ຫໍສະໝຸດດິຈິຕອລໜັງສືໃບລານລາວ

ຫໍສະໝຸດດິຈິຕອລໜັງສືໃບລານລາວ ມີຮູບດິຈິຕອລ ເກືອບ 12,000 ຕົ້ນສະບັບຕົວຂຽນ ຈາກທົ່ວປະເທດ ເພື່ອໃຫ້ຜູ້ສົນໃຈເຂົ້າຄົ້ນຄວ້າຢ່າງສະດວກສະບາຍ. ສະຖາບັນຮ່ວມມື ມີ ຫໍສະໝຸດແຫ່ງຊາດລາວ, ມະຫາວິທະຍາໄລ ປັສເຊົາ ແລະ ຫໍສະໝຸດແຫ່ງລັດ ປະຈຳກຸງແບັກແລັງ ໂຄງການນີ້ໄດ້ຮັບທຶນອຸປະຖຳຈາກມູນນິທິ ເພື່ອການຄົ້ນຄວ້າ ເຢຍຣະມັນ (DFG) ແລະ ກະຊວງການຮ່ວມມືທາງເສດຖະກິດ ແລະ ການພັດທະນາແຫ່ງ ສ.ສ. ເຢຍຣະມັນ (BMZ).

ຄັງຂໍ້ມູນຂອງຫໍສະໝຸດດິຈິຕອລນີ້ ປະກອບດ້ວຍໜັງສືໃບລານທີ່ມີເນື້ອໃນຢ່າງຫລາກຫລາຍແລະ ໄດ້ສຳຫລວດຄັດເລືອກມາຖ່າຍເປັນໄມໂຄຼຟີມໄວ້ ຈາກພື້ນທີ່ພູມສາດອັນກວ້າງຂວາງ ແມ່ນເປັນເອກະສານຈາກຫລາຍຍຸກຫລາຍສະໄໝ. ມີບົດວັນນະຄະດີຫລາຍຮູບແບບ ອັນໄດ້ລິດຈະນາຂີດຂຽນໂດຍຜູ້ຈານຈາກສຳນັກຕ່າງໆ ທັງໃຊ້ພາສາ ແລະ ຕົວອັກສອນຫລາກຫລາຍແຕກຕ່າງກັນ. ບົດເລື່ອງສ່ວນຫລາຍເປັນມູນມໍລະດົກວັນນະຄະດີຂອງລາວ, ລ້ານນາ ແລະ ໄທລື້ ນອກນັ້ນມີບົດວັນນະຄະດີຈຳນວນໜຶ່ງທີ່ໃຊ້ພາສາ ແລະ ອັກສອນໄທເໜືອ, ໄທດຳ ແລະ ອື່ນໆ.

ຖານຂໍ້ມູນຂອງຫໍສະໝຸດດິຈິຕອລນີ້ ສາມາດຄົ້ນຫາຊື່ເລື່ອງ, ຄຳສັບປະກອບຊື່ເລື່ອງ, ພາສາ, ຕົວອັກສອນ, ປະເພດເນື້ອຫາ, ວັດສະດຸຂີດຂຽນ, ບ່ອນເກັບມ້ຽນ, ປີລິດຈະນາ, ແລະ ເລກລະຫັດຂອງໜັງສື. ຜູ້ຊົມໃຊ້ຫໍສະໝຸດດິຈິຕອລນີ້ສາມາດເບິ່ງຮູບຂາວດຳເງົາສີເທົາ (ເຊິ່ງປັບປ່ຽນຈາກໄມໂຄຼຟີມມາຢູ່ໃນຮູບແບບດິຈິຕອລ) ໜັງສືໃບລານໄດ້ ຫລືກ່າຍສຳເນົາລົງໃນຄອມພິວເຕີ ໂດຍຜ່ານເວັບໄຊນີ້. ນອກຈາກນັ້ນຮູບຂອງບົດເລື່ອງຄົບຊຸດ ກໍ່ສາມາດດາວນ໌ໂລດໄດ້.

ເວັບໄຊຂອງຫໍສະໝຸດດິຈິຕອລນີ້ ຍັງໄດ້ສະເໜີຂໍ້ມູນກ່ຽວກັບວັນນະຄະດີບູຮານລາວ, ໂຄງການປົກປັກຮັກສາໜັງສືໃບລານລາວ, ຂໍ້ມູນການຄົ້ນຄວ້າ, ນອກຈາກນັ້ນຍັງໄດ້ຮວບຮວມຮູບຖ່າຍຕ່າງໆ ທີ່ສະແດງເຖິງການເຮັດວຽກ ແລະ ບໍລິບົດຂອງໂຄງການປົກປັກຮັກສາໜັງສືໃບລານລາວ.

ຂ່າວໃໝ່

ເວັບໄຊຂອງຫໍສະໝຸດດິຈິຕອລໜັງສືໃບລານລາວ ໄດ້ເລີ່ມເປີດສະເໜີໃນອິນເຕີເນັດ ເມື່ອເດືອນກັນຍາ 2009. ໃນຂະນະນີ້ທ່ານສາມາດຄົ້ນຫາບົດເລື່ອງໄດ້ 11,748 ເລື່ອງ. ທາງຫໍສະໝຸດດິຈິຕອລ ຍິນດີຮັບຄວາມຄິດເຫັນພ້ອມທັງຄຳຕິຊົມຂອງທ່ານ ໃນການຊົມໃຊ້ເວັບໄຊຂອງພວກເຮົາ.

ໃນເດືອນ ກັນຍາ 2011, ໄດມີການເພມເຄອງມືທົດລອງຄນຫາຄຳສັບ ຫຼືສວນໃດສວນໜງພາຍໃນຮູບດິຈິຕອລ ຂອງບົດເລອງຕາງໆລົງໃນໜາເຂາສູບົດເລອງ.

ໝາຍເຫດ

ຕົວໜັງສືທີ່ໃຊ້ໃນເວັບໄຊ ແມ່ນເປັນຕົວ ຢູນີໂຄດ (Unicode) ແລະ ໄດມີການນຳພາ ຟອນ ອັກສອນລາວເຂາມາໃນເວບໄຊຮຽບຮອຍ ແຕຫາກວາມີລະບົບຄອມພິວເຕີ ແລະ ບຼາວເຊີບາງອັນທຕອງຕິດຄງຟອນອັກສອນລາວໃນຄອມພິວເຕີຂອງທານ ເພອທຈະເຫັນອັກສອນລາວປາກົດຢາງຖືກຕອງ. ຄຼິກບ່ອນນີ້ ເພື່ອດາວນ໌ໂລດເອົາ ຕົວໜັງສືລາວ ໄຊເຊດຖາ ໂອທີ (Saysettha OT).

ຂໍ້ມູນກ່ຽວກັບເວັບໄຊນີ້

ປັບປຸງຄັ້ງສຸດທ້າຍ : ເດືອນເດືອນກັນຍາ 2011.
ທ່ານກະລຸນາຮັບຊາບວ່າ ເວັບໄຊນີ້ໃຊ້ງານໄດ້ຄົບຖ້ວນຕໍ່ເມື່ອໄດ້ມີການເປີດນຳໃຊ້ ຈາວາສະຄຼິບທ໌ (JavaScript) ພ້ອມ ຄຸກກີ (cookies). ຖ້າຫາກທ່ານມີ ປ໊ອບອັ໊ບວິນໂດບຼ໊ອກໄວ້ (blocked pop-up windows) ລິງຄ໌ບາງໂຕຈະໃຊ້ງານບໍ່ໄດ້.
ເວັບໄຊນີ້ຈະໃຊ້ງານໄດ້ຢ່າງດີທີ່ສຸດຖ້າໃຊ້ ໄຟເອີຟ໊ອກສ໌ ເວີຊັນ 3 (Firefox v3) ຫລື ສູງກວ່າ.
ຄລິກບ່ອນນີ້ ເພື່ອຮັບຂໍ້ມູນເຕັກນິກເພີ່ມຕື່ມ.

ບຸກຄົນ ແລະ ສະຖາບັນທີ່ມີບົດບາດຮ່ວມມືໃນການສ້າງເວັບໄຊນີ້

ຮູບໄມໂຄຼຟີມໄດ້ປັບປ່ຽນເປັນຮູບດິຈິຕອລຂາວດຳເງົາສີເທົາ ໂດຍບໍລິສັດ ແຮມັນ ອຸນທ໌ ແຄຼເມີ (Herrmann und Kraemer GmbH & Co. KG).
ເນື້ອຫາເວັບໄຊໂດຍ ຮະຣັນ ຮຸນດີອຸສ ແລະ ເດວິດ ວອຣ໌ເຕິນ. ແປເນື້ອຫາເວັບໄຊຈາກ ພາສາອັງກິດເປັນ ພາສາລາວ ໂດຍ ອຸດົມພອນ ບຸນຍາວົງ, ກວດແກ້ໂດຍ ຮະຣັນ ຮຸນດີອຸສ.
ພັດທະນາຖານຂໍ້ມູນ ແລະ ເຊື່ອມໂຍງຖານຂໍ້ມູນກັບເວັບໄຊ ໂດຍ ຈັສຕິນ ຣີສ ຮ່ວມກັບ ຈັສຕິນ ແມັກຄາທີ.
ເຊີເວີຂອງຫໍສະໝຸດດິຈິຕອລນີ້ ຕັ້ງຢູ່ ແລະ ດູແລໂດຍ ພະແນກອາຊີຕາເວັນອອກ, ຫໍສະໝຸດແຫ່ງລັດ ປະຈຳກຸງແບັກແລັງ.

ຂຶ້ນເທິງ

ພະນັກງານໂຄງການປົກປັກຮັກສາໜັງສືໃບລານລາວ
© ໂຄງການປົກປັກຮັກສາໜັງສືໃບລານລາວ, ຫໍສະໝຸດແຫ່ງຊາດລາວ
ທ່ານສາມາດນຳໃຊ້ຮູບ JPEG ນີ້ໄດ້ເພື່ອການສຶກສາທາງເວັບໄຊທ໌ ຫລື ປະກອບບົດຄົ້ນຄວ້າ. ຖ້າຫາກທ່ານຕ້ອງການຮູບຄຸນນະພາບດີເພື່ອໃຊ້ໃນການພິມ ກະລຸນາຕິດຕໍ່ ຫໍສະໝຸດດິຈິຕອລໜັງສືໃບລານລາວ.
ຂະບວນແຫ່ໃບລານ
ພຣະສົງ ແລະ ຄະຣາວາດຫອບໃບລານທີ່ໄດ້ຮັບການປົກປັກຮັກສາ ແລະ ຂຶ້ນບັນຊີແລ້ວ ແຫ່ອ້ອມວັດກ່ອນນຳໄປມ້ຽນໄວ້. ວັດຊ້າງຄ້ອງ, ແຂວງຫລວງພະບາງ, 1999.

DIGITAL LIBRARY OF LAO MANUSCRIPTS